自動波「開夜車」！羅子溢搵朋友幫拖讀熟醫學名詞

無綫台慶劇《星空下的仁醫》將於下周一（18日）晚首播，演出陣容有鄭嘉穎、馬國明、鍾嘉欣、周家怡、羅子溢、龔慈恩、陳自瑤、海俊傑、郭少芸及曾航生等，以及上位花旦小生何依婷、張寶兒、郭子豪、羅毓儀等。

飾演專科醫生文柏熙的羅子溢，完成拍攝後仍自動波「開夜車」練習醫學專有名詞發音，子溢謂：「我咁啱有個朋友係做醫生，我就會叫佢幫手聽吓我啲專有名詞讀音正唔正確，順便了解一下（做手術等）程序。咁第二日再經過監製安排嘅醫生指導，就可以快啲投入個拍攝進度。」

已是第三次飾演醫生的子溢，笑指雖然有個「底」，但是次飾演兒科醫生仍有新挑戰要面對，又透露正式投入《星》拍攝前，曾多次開會及獲安排上堂「增值」，並謂拍攝也會抽出不少時間做事前練習：「為咗逼真同埋做得更加好，我哋每日開工可能頭3至4個鐘都係喺度練習。」