周秀娜情緒壓抑暴瘦:死咗好多腦細胞!

2021年10月11日 23:02
東網電視
更多新聞短片
女星周秀娜(Chrissie)和張繼聰合拍的新片《馬達‧蓮娜》不單成為第55 屆《金馬創投會議》入圍作品,更成為《香港亞洲電影節2021》開幕電影,和Chrissie一起接受東網專訪的張繼聰,稱此片對他最大的挑戰,是沒有半點搞笑成份,一改以往戲路,並為貼近戲中的潦倒造型,更要刻意「減肌」。他說:「套戲喺澳門拍,隔離期間我都有喺房跑步,跑咗百幾公里。加上戲服幫助下,有次我企喺啲民工隔離睇Chrissie做戲,劇組都搵我唔到。」至於近日被指過瘦而變為「周瘦娜」的Chrissie,說為了角色,的確愈拍愈瘦:「我死咗好多腦細胞,因為角色好壓抑,我拍之前好好胃口,但係愈拍愈瘦,食唔落嘢。」
車廂親熱有難度
對於在戲中有接吻戲、以及在車廂中有親熱鏡頭,張繼聰和Chrissie不約而同的,說已投入角色,故不會感到尷尬,但Chrissie指演繹時有難度:「因為個車廂環境好狹窄,經常會撞到頭同腳,又要遷就攝影師角度。」提到其中一幕Chrissie為張繼聰洗頭,阿聰認為這是平凡的浪漫,問到曾否為太太謝安琪洗頭?他說:「咁又冇,佢都冇幫我洗過。(你係咪浪漫之人?)要問用家意見,我當然覺得自己係。」Chrissie就即場「認證」他是浪漫之人:「我覺得佢係,因為戲中有啲浪漫情節,都係佢諗出嚟。」
對於有影評人力讚Chrissie的演技,問她有否信心衝擊影后,她謙稱沒有想過,獲讚賞已感到開心,張繼聰則以「綻放」來形容對方的演出,說當中有幾場戲,感受到對方的光芒。
場地:富衛1881公館
張繼聰化妝:PinkyKu
周秀娜服裝:ba&sh、Giuseppe Zanotti