楊丞琳性感解放「線頭」　網民封人魚女王！

台灣女星楊丞琳同內地歌手李榮浩自2019年結婚以嚟，工作各有各忙，加上遇上疫情關係，一直都聚少離多，楊丞琳最近終於去咗內地同李榮浩團聚，仲喺內地展開一連串嘅工作。佢近日嚟個人妻大解放，以性感藍色晚裝亮相內地節目，最大嘅亮點就係佢件晚裝，只有一塊小小嘅布遮住胸口，雖然未見「胸」猛身材，但係大晒「線頭」，同埋胸上迷人鎖骨，依然相當吸睛！而件晚裝嘅設計亦有勁大嘅燈籠袖，下身係以魚鱗造型設計，同埋開高衩開到大腿，盡騷白滑美腿，佢話呢次演出造型係美人魚，但出名係可愛教主嘅佢，好謙虛話：「唔敢說自己是公主！」

網民對於佢呢身火辣造型都冇不嘩然，封佢做「人魚女王」，有網民搞笑話佢係「鮮魚下凡」，仲話佢有可能有係最索嘅美人魚，唔知佢呢次性感大解放，事前有冇開問過佢老公李榮浩呢？