殺入《愛回家》︱謝嘉怡猛練篤魂精　老竇都嗌冧

前港姐冠軍謝嘉怡早前喺《愛．回家之開心速遞》做單元主角，本身已經夠入屋嘅佢，依家知名度又再升個Level，近來愛拍片嘅佢，都食住個勢喺個人Channel上載Reaction片，影住素顏上陣嘅佢同老竇一齊重溫片段。

見佢同老竇坐喺梳化睇電視，仲搵埋老外媽咪入鏡2秒，全家出動幾咁Warm，到正式去片，謝嘉怡開籠雀咁瘋狂用全英文同爸爸解釋自己拍攝時嘅心路歷程、同其他演員點樣互動、點樣練表情等，佢仲自爆用足兩星期去諗，點樣篤人魂精時又可以Cute到爆，真係夠晒心機。睇到一半時，佢仲向爸爸示範點樣篤魂精，而爸爸都好識做，即刻展示出冧爆開心樣，氹到個女都好開心。