胡定欣愛上打網球　老竇陪玩被網民激讚似「教授」

視后胡定欣向來鍾意運動，更因為成日做Gym，操得一身Fit爆身形，佢唔只淨係喺室內做運動，近日仲愛上打網球，但打網球最少要兩個人，咁邊個陪佢呢？

原來陪佢打波係一名猛男，就係佢爹哋喇！定欣喺社交網話對網球一學就愛上，同時帶同爹哋一齊玩，認為係增進父女感情的活動，佢留言：「好開心！我終於搵到一項球類運動有興趣啦！最重要係可以同Daddy一齊學一齊玩，一齊做運動，又可以多個話題！第一次玩，鍾意咗！」網友仲將焦點放喺胡爸爸身上，大讚佢雖然係銀髮族，但身形Fit爆，一啲都唔顯老添，仲話佢個Look有啲似教授添！