男同學示愛請食檸檬　劉穎鏇：驚做唔番朋友！

藝人劉穎鏇（Tiffany）出席《把關者們》結局篇宣傳，對於在劇中暗戀丁子朗，可惜神女有心襄王無夢，關係相當尷尬。感情線引起網民關注，問到Tiffany現實生活中可有試過大膽示愛，她答：「我真係好細膽，中學時曾經有男同學主動示愛就真，我婉拒佢都覺得有啲尷尬，好驚做唔番朋友。（會唔會依家大膽啲？）年紀愈大更加唔會啦，讀書都仲有成班同學陪住，大班人過段時間可能冇嘢，依家真係驚事後好難keep contact！」

堅稱目前工作為上的她，擔心被提到緋聞男友胡㻗，即抽開話題：「我拍緊新劇《隱形戰隊》，好多打戲又要吊威吔，搞到周身損傷，化妝都遮唔到幾多，拍拍吓啲遮瑕又甩晒，索性由得去算！（冇人錫番咩？）工作為上，大家都忙冇時間呀。」