網民睇中長腿！劉思希護腿心得：膝頭都搽精華

劉思希於無綫劇《我家無難事》憑藉一雙修長美腿成功入屋，網民大讚「對腳真係好靚」之餘，又大讚其婚紗Look有睇頭。對於美腿備受各方讚賞，思希受訪時謙虛謂：「其實以前都唔覺得自己對腳靚，淨係知道自己幾高大，對腳都幾長，估唔到入咗行好多人讚我雙腳。我呢一、兩年都有少少護腿心得，例如每日早晚搽兩次潤膚露，按摩吓對腳，令對腳淋巴通暢啲，咁腳嘅線條會柔和啲，我連膝頭都會揸精華素！」

思希還感激監製王心慰，並指對方既是恩師亦是伯樂：「有次出trip拍外景我表現得不太好，Amy姐（王心慰）和我說了一番話，我到現在還記得：『做戲就要豁出去，唔可以因為驚畀人鬧就住就住，要對得住自己同角色。』之後我就開咗竅。咁多年嚟，佢比我自己更相信我自己，這給了我很大的鼓舞。」