拍拖多得8號波︱單文柔自爆同陳展鵬家中拍動作片？

無綫視帝陳展鵬與太太單文柔拍拖出席紀錄片《龍虎武師》首映，他笑言多謝8號風球：「本身有兩套劇集《童時愛上你》同《隱形戰隊》要開工嘅，因為打風取消咗，所以我哋就可以拍拖嚟睇戲，龍虎武師喺我心目中都好有意義，一嚟佢哋代表香港，二嚟我自己平日都好多動作戲，當然我嗰啲係花拳繡腿啦。」

問太太單文柔有否擔心先生經常拍動作戲會受傷，她説：「佢身手好敏捷㗎！我哋喺屋企間中會切磋下。（邊個贏多？）梗係我啦，哈哈！」展鵬即風趣補充：「咁你明我點解身手敏捷啦！識得避嘛，哈哈！」他坦言太太其實非常體貼，有時拍劇撞瘀受傷，回到家太太會幫她捽藥油，又説雖然當了爸爸，但唔會變得錫身：「好難嘅，如果你嘅動作比之前冇咁危險，變相冇咁好睇，當然安全措施要做足，盡我能力做好畀觀眾睇啦。」