丁子朗最冧何依婷　全因一個原因！

藝人丁子朗於劇集《把關者們》內，獲女神級劉穎鏇主動示愛，不過他卻請對方食檸檬，想不到粉絲睇得相當投入，紛紛上網留言鬧爆他：「如果係我，?飯應啦！」子朗為此顯得相都無奈：「咁都多謝編審安排咗我有咁嘅艷福，大家唔使咁激氣住，嚟緊我哋會有突破性嘅發展。（即係點？）我同佢鬧完交，發覺點解自己咁在意佢，開始醒覺喇，係會happy ending嘅！」

談到想再與哪位女演員「談情說愛」，子朗即答：「何依婷，因為佢好似韓國女演員朴敏英，而朴敏英嘅《金秘書為何那樣》我真係足足煲咗幾次，連帶朴敘俊我都好欣賞，當然羨慕佢可以拍荷里活電影，真係好勁！」據悉，子朗下套劇終如願，與何依婷有大量對手戲：「但未知係咪一對。（向編審反映？）都希望對方識做，哈哈。」