狄維莊遜登封面再插爆《狂野時速》舊拍檔雲狄素

2021年10月13日 10:34
東網電視
更多新聞短片
狄維再談與雲狄素不和的詳情。
美國動作男星狄維莊遜(Dwayne Johnson)登上雜誌封面,受訪時再談與合作電影《狂野時速》(Fast and Furious)系列舊拍檔雲狄素(Vin Diesel)不和一事,自言沒有後悔2016年於社交網站暗寸對方是「糖屁股」,批評他工作態度不佳,表示:「喺我講時嗰個就係我心聲,只不過我唔應該公開講。」他又指不少工作人員之後偷偷過來多謝他為大家出頭。
狄維繼續炮轟雲狄素喜歡「扮大佬」:「我哋係兩種哲學嘅人,我哋有兩種好唔同嘅方法去拍電影。我每日返工都會視所有人為平等嘅拍檔,當製作公司係平等嘅拍檔,無論係咩階級都要當工作團隊係平等嘅拍檔,要有尊重同保持謙卑,尊重個程序,以及其他所有花咗一樣咁多、或者更多時間同精力嘅人。」
他又提到2019年兩人曾嘗試擺和頭酒但失敗:「我唔會話嗰次見面好和平。我會話嗰次見面之後就清楚晒。佢去咗我休息車去傾計,傾完之後就好明顯知道大家係兩種極端嘅人,然後我哋就同意放低佢唔再嘈。」