街頭自製鬥瘦遊戲　蔡嘉欣巴掌腰穿過狹窄空隙

女星為求上鏡靚爆，除咗保養個樣外，都會特別操弗自己條腰，前港姐蔡嘉欣就係好例子。而嘉欣嘅好姊妹陳詩欣（Eunice）將於本月30日結婚，佢就把握時間同Eunice與網絡女神譚嘉儀（Vivi Tam）見面。佢哋喺街上突然興起貪玩，發明「鬥瘦」遊戲，要穿過欄杆與路邊石壆只有一個手掌位闊嘅空隙。

呢個遊戲真係好具挑戰性，肥少少都玩唔到，佢哋3個女仔出名身形弗，今次絕對係證明實力嘅機會。嘉欣率先挑戰，捉住欄杆借力成功通過，準新娘Eunice更加係輕鬆過關，兩步就通過，不過Vivi Tam就似乎過得有啲論盡，第一次失敗後，立即脫下外套加收腹先勉強通過。