直播21分鐘被喪鬧潘金蓮　馬蓉搵王寶強開Live？

內地男星王寶強同馬蓉離婚多時，不過似乎二人個名都仍然「不能分割」，尤其係馬蓉，佢依家全身投入網事業，穿金戴銀又染晒女團髮色等，為自己形象大翻新，不過好似佢點做網友都唔Like，仲成日拎番佢當年被質疑出軌王寶強經理人宋喆一事嚟講，無限鞭屍。原來今年6月時，佢就試過開Live氹網友，點知直播留言不斷彈出惡言，當中出現最多嘅係網友喪鬧佢係現代版「潘金蓮」，雖然佢從容面對鏡頭，期間仲屢次傳出男人咳聲，不過個Live維持咗近21分鐘就熄機，明顯不敵網友嘅惡意攻擊。

點知馬蓉「再接再厲」，佢竟然同一個模仿王寶強嘅網紅合作直播，並配文「記憶是痛苦的根源」，炒作明顯！有網友就搵到馬蓉直播嘅「市價」，並流傳佢上次被人鬧到Offline，仍然賺到10萬蚊人仔，有價有市，唔怪得佢今次咁博，連「前夫」都出動埋。