「最美丫鬟」陳婉婷打風開工 濕到滴水!

20211013
東網電視
更多新聞短片
「最美丫鬟」陳婉婷(Hebe)、全港最靚孕媽選舉冠軍香珮汶(Monique)、網紅Lina及小豆日前為直播平台攝廣告時,遇上颱風襲港,令4位靚女狠狽不堪,Hebe坦言:「由頭濕到落腳,但好有出水芙蓉嘅美感。」雖然有關方面提供專車接送,可是整日連場大雨,上落車時難免淋濕身,再被冷氣一吹,搞到頭痛,她又說:「嚟到現場攝影師都話我似『癲婆』咁,由內到外都濕到滴出水,濕身影相真係好辛苦,好在大家都夠專業好快收工。」
Hebe就話早習慣打風開工,笑稱被父母鬧「唔夠錫身」:「以前試過拍廠景由掛風球到落波都未拍晒,今次廣告期都好趕,如果Delay都唔知幾時可以集齊咁多人再影,所以都要開工!加上呢排我忙緊電影同電視劇,係開心嘅忙碌,所以唔想浪費呢一日檔期。」