烏克蘭網紅 巨乳逼爆拉鏈

2021年10月13日 23:00
東網電視
更多新聞短片
上圍激凸嘅Irina Meier係一位人氣網紅兼Cosplayer。(互聯網)
美國超級英雄電影中嘅女角色,唔少都身材玲瓏浮凸,因此吸引唔少身材火辣嘅Coser嚟個性感Cosplay。早前就有位女Coser喺社交網分享一段Cosplay影片,結果成為網絡熱話,究竟有咩咁吸引呢?
場面吸睛
美國漫畫嘅超級女英雄黑寡婦,不但人氣極高,更係唔少Coser嘅Cosplay對象,只係點解呢位Coser會成為網絡熱話呢?原來係佢嗰對激凸巨乳有關!
話說24歲烏克蘭網紅Irina Meier,早前喺社交網上載咗一段Cosplay黑寡婦嘅影片,因為一對巨乳太奇峰凸出,令佢好難將制服嘅拉鏈拉埋,好唔容易夾硬拉上拉鏈後,點知拉鏈即時被巨乳逼爆,一對巨乳即刻彈出,場面惹笑又非常吸睛!呢段影片推出4日,便吸引到超過136萬次瀏覽,證明佢對巨乳真魅力非凡。Irina Meier嘅社交網擁有超過97萬粉絲,除咗係人氣網紅,亦係打機主播兼模特兒,憑住迷人嘅樣貌及一對36吋巨乳,加上露肉度極高嘅Cosplay造型,令佢成為吸金力極強嘅Coser之一。
呢件潮物唔簡單
潮物有時會令人𢱑爆頭,好似呢件潮物咁更令人邪念大爆發添!事關當大家見到佢時會諗起乜?有日本網民坦言令佢諗起愉虐繩縛其中一種縛法「龜甲縛」,不過其實佢並唔係繩縛玩物,而係由一位外國著名設計師所設計嘅貼身飾物嚟,正所謂潮流嘅嘢你識條鐵咩!
雖然設計師冇解釋呢件首飾嘅設計靈感係咪嚟自「龜甲縛」,但係已經引爆唔少日本網民嘅聯想。呢款首飾有藍同黑兩色選擇,售價6萬美元,真係價值不菲呀!話說回來,點解呢件產品會引起日本網民咁大反應?咪就係因繩縛藝術源自日本,而且有唔少以繩縛為主題嘅AV作品,難怪引爆邪念啦!
腳掌大男士易出軌?
腳掌大嘅男士會易出軌?據英國偷情網站Illicit Encounters嘅研究報告指,佢哋對2,000名已婚男士進行調查,結果發現英國鞋碼10至13號嘅男士,比10號以下嘅男士更易出軌,而鞋碼7號或以下嘅男士就甚少會出軌。不過調查又發現,並非腳掌愈大嘅男士愈易出軌,喺10至13號鞋碼中,最易出軌嘅係11號,其次係10號,最後先至係13號嘅男士。
Illicit Encounters嘅發言人Jessica Leoni表示,當中嘅原因可能係腳掌大嘅男士身形高,因而更易吸引女士嘅注意。至於呢個調查結果,獲得唔少英國男士嘅認同,有鞋碼12號嘅受訪男士稱曾經偷食商業拍檔,家陣終於知道係因為自己腳掌大喎!