艾粒玩BL 自認顏值唔夠高!

2021年10月13日 23:01
東網電視
更多新聞短片
組合艾粒成員少爺占及當奴日前為「黃Viu煲劇平台」推出《同煲同BLOW》,大談BL(Boy’s Love)世界,少爺占曾在廣播劇中飾演同性戀角色「朱艷強」而大受歡迎,之後不時以「朱艷強」名義開騷,早與BL結下不解緣。他說:「我都成日會睇BL劇為『朱艷強』取材,加上依家BL始終係大氣候,幾乎每套劇都會加入呢個元素。我自己會推介最近嘅泰劇《Bite Me The Series》,因為兩位男主角顏值都好高。」相反,當奴坦言起初對BL有點抗拒,直到日劇《大叔的愛》令他開拓新眼界:「我開頭真心抗拒,但連日本都開始拍呢類題材,我就開始睇吓《大叔的愛》。我好鍾意入面嘅『阿牧』林遣都,覺得佢演到好內斂嘅感覺。」
雖然艾粒在「黃Viu」煲BL劇期間接收了不少「腐能量」,但對於要親自合演BL劇,他們的隱憂竟是顏值不夠。少爺占笑言:「拍BL劇要狀態好好,少少水腫都唔得㗎,因為個個都靚仔嚟,我見啲男主角髮型好硬,點吹都唔會亂,所以如果對自己個樣唔夠信心都拍唔到BL。」至於當奴比較鍾情古代BL劇,本身是《哲仁王后》粉絲的他表示:「《哲》係講一個現代直男穿越咗去古代王后嘅身體入面,我好鍾意呢類題材,始終喺古代BL唔係咁容易接受,好多故事都發生喺錯摸嘅世界,禁忌得嚟又帶啲含蓄。」
麻利又即場考驗艾粒的配音功力,要求他們重新為兩部BL劇《To My Star》及《Close Friend》配音,當看到兩位男主角「滾床單」的片段,少爺占與當奴發揮搞笑本色聲演激情男男,配以無厘頭對白及尖叫聲,令麻利大嘆劇中的浪漫氛圍被徹底崩壞,相當搞笑!