Jeffrey Wright演占士邦CIA老友 從一開始睇住佢成長

20211014
東網電視
更多新聞短片
Jeffrey於邦片飾演中情局特務。
邦片經常會出現一個中情局特務角色Felix Leiter支援占士邦,亦是他老友。英國男星丹尼爾格力(Daniel Craig)於2006年的《新鐵金剛智破皇家賭場》(Casino Royale)首次擔任占士邦,Felix Leiter亦首次由黑人演員飾演,由美國男星Jeffrey Wright出任。Jeffrey角色於續集《新鐵金剛之量子殺機》(Quantum of Solace)再度亮相後,缺席之後兩部邦片,直到最近上映的《007:生死有時》(No Time To Die)才回歸。
Jeffrey受訪時被問到陪丹尼爾走到最後有何感覺時,表示:「我唔可以代丹尼爾講佢感受,但我自己就好開心睇到佢同個角色一齊成長,承擔起責任。因為你哋都記得,最初時……都仲未有咁激嘅社交網站時……啲人反應係好負面,好多冇根據嘅意見認為佢點樣唔掂。丹尼爾最初得到個角色時,我同佢合作緊另一部電影《無恐不入》(The Invasion),所以我係由一開始已經同佢一齊經歷,佢帶住好多智慧同優雅咁投入個角色,投放咗好多佢自己落去。所以我為佢成就感到好驕傲,而同佢再度合作,行埋嗰程好開心。到最後,佢係個贏家。」