吳林峰開騷壓力大 冥想減壓

2021年10月14日 08:02
東網電視
更多新聞短片
吳林峰覺得自己能夠開售票演唱會感到不可思議。
歌手吳林峰為無綫新聞台《StarTalk》任嘉賓,接受主播許文軒(Edmond)專訪,大談由7年街頭Busking到走進大舞台開演唱會感受,吳林峰說:「有機會開售票演唱會,真係不可思議,以前Busking係自己尋找舞台,街頭表演好Free,依家舞台要定流程同訊息,所以有種未試過嘅興奮,而且又有感動,因為今次開騷嘅音樂班底,就係以前Busking一齊玩嘅朋友,以前成日同佢哋講,你哋睇住有一日我一定會有機會上台開騷,依家好似達成對大家嘅承諾!」
吳林峰開騷前一試冥想練習,他說:「呢段時間,因為太新鮮,唔知點面對呢個情緒,我朋友推薦我去冥想。裏面有啲File,內有音樂同Guidelines,試咗一次,又覺得幾好瞓。之後睇動漫,男主角用腦幻想同對手打拳,我喺度諗講緊嘅冥想係咪就係呢啲呢?所以我幻想賣飛嗰日,賣唔到會點,又順序聽一次自己開騷嘅歌,幻想自己做緊個騷,真係會令自己冇咁擔心,原來真係幾有用!」