李克勤任《好聲音》導師被爆搵謝霆鋒做參謀

2021年10月14日 10:02
東網電視
更多新聞短片
由李克勤任導師嘅內地選秀節目《中國好聲音2021》就快舉行決賽,喺呢個咁緊張嘅時刻,又有導師爆料,不過唔係爆冠軍係咪有內定,而係克勤嘅秘密,兼且仲同謝霆鋒有關添,到底係咩料?
今次位爆料人就係嚟頂替那英嘅中音歌唱家廖昌永,佢喺訪問話自己喺節目算係「新人導師」,所以每次遇到問題時,就會向做咗8季節目嘅元老那英請教,不過如果想贏就搵謝霆鋒。啲人聽到廖昌永咁講都搲晒頭,佢就好風趣咁話:「我是那英推薦的,平時自己遇到問題不找她,找誰?而謝霆鋒呢,他每次都會給李克勤參謀,我找他也是間接獲取『情報』,如今的謝霆鋒也算個「臥底」。」嘩,原來《中國好聲音》係唱歌界嘅「無間道」!