假簽名劇本出售 肖戰粉絲「打假小隊」出動護偶像

20211014
東網電視
更多新聞短片
大陸男星肖戰生得高大靚仔又有型,2019年憑古裝劇《陳情令》而一爆而紅,已經係內地一線小生嘅佢人氣同名氣都爆燈,不過人紅自然令不法之徒打佢主意,近日網上就盛傳佢親筆簽名多部自己主演嘅劇集劇本作出售賣,事件引起廣大網友關注與討論。從網上曝光照片嚟睇,的確印有好多肖戰主演嘅劇集名稱劇本,包括《王牌部隊》、《餘生,請多指教》、《玉骨遙》等,最離譜嘅係連劇組服裝都有,仲清楚講明以上嘅物品係帶有簽名,暗指係經肖戰簽名加持過先至出售。
事件喺網上發酵後,肖戰嘅忠實粉絲團隊「打假小隊」即刻出動維護偶像名聲,肖戰粉絲於社交網發文強調簽名售賣事件假到離譜:「絕無可能有任何一部作品的簽名劇本。」揚言針對以上劇本售賣傳聞已經第一時間向有關片方追責。不少網友都支持粉絲維護偶像的合法權益,深信肖戰不會做這種犯罪之事。