傳阿嬌確定參加《姐姐3》 兩大台灣歌手加盟網民嗌期待

2021年10月14日 12:01
東網電視
更多新聞短片
內地節目《乘風破浪的姐姐》兩季都大受歡迎,張栢芝﹑那英﹑容祖兒等人氣再度急升,依家仲播埋《披荊斬棘的哥哥》,就知呢類節目收視同口碑俱佳。最近網上盛傳節目組將籌備推出第3季,預計在明年初開播。近日卻流傳一份疑是節目組邀請嘅女明星名單,當中有17位被標註會參加節目,包括有鍾欣潼(阿嬌)、台灣歌手劉若英﹑王心凌等,呢份名單真係紅到爆!
當中最引人關注一定係阿嬌,傳佢今次加盟,不禁令人聯想起《姐姐2》,佢係有意避開同張栢芝同台,所以拒絕參加節目。因為節目籌備推出時,有傳屬意邀請阿嬌加盟,但當時亦傳出節目組亦邀請張栢芝,最終官宣名單出現時,阿嬌冇嘅名單上,所以今次阿嬌出現已「敲定」名單上,大家都期待佢會現身。
除咗佢哋外,內地歌手譚維維、陳粒、柳岩、徐冬冬、劉惜君都榜上有名,楊千嬅﹑內地歌手毛阿敏﹑演員戚薇﹑張小斐﹑譚松韻﹑韓雪都喺被邀請之列呢。