鬥快邊個贏？謝霆鋒遇亞洲飛人即輸　蘇炳添快到只剩虛線

世間上，真係冇乜嘢可以難到男神謝霆鋒，唱歌拍戲不在話下，下廚、滑雪、彈結他樣樣皆精。不過佢終於遇到對手，因為佢今次遇到亞洲百米飛人蘇炳添。

「天下武功，惟快不破」，蘇炳添喺東京奧運，以9秒83破男子一百米亞洲紀錄，震驚全球，9秒83呢個概念係點？大家成日話「乜乜以9秒9速度完成」，佢就真係快過9秒9喇！霆鋒就喺個人影片頻度，晒出佢同蘇炳添互動嘅短片，霆鋒喺片中劈頭就話：「你覺得我快還是他快？」鏡頭就Pan咗去蘇炳添度，叫大家選擇，冇耐蘇炳添就突然消失，霆鋒即現驚恐狀，猛問蘇炳添去哪兒？佢最後發現，蘇炳添已經唔見咗，只剩一條虛線！唔少網民都話霆鋒係叻，但講到快，一定唔夠蘇炳添嚟，又笑有時唔使一定快嘅，有啲嘢係講耐力！