張敬軒襲《男神廚房》惡補廚藝　笑指唔敢指導遮遮

藝人鄭裕玲（嘟嘟）與張敬軒今日（14日）出席無綫節目《男神廚房》拜神，將以西餐出戰的軒仔透露，特別為此惡補廚藝，不過面對同場的另一男神陳家樂，他笑指未知勝算，問到為何不指導家中傭人「遮遮」？軒仔表示：「畀佢自由發揮，我人好，佢執嘢企理就ok，同埋佢有上家政班，不過我出街食多。」

而擔任總評判的嘟嘟，表示評分準則要有色香味，即使面對男神，唔好食一樣扣分，問到外貌非男神級的陸永及C君是否不能上該節目？她笑說：「咁肉酸，唔應該，上嚟咪侮辱咗人哋？（佢哋有才華嘛！）才華大把人都有，張敬軒都有。」令軒仔哭笑不得。