羅子溢自爆不設防　想同楊茜堯追多個

藝人羅子溢和周家怡今日（14日）到荃灣出席無綫台慶劇《星空下的仁醫》宣傳，周家怡相隔9年後再拍無綫劇，她表示很開心見番大家，對於被老闆楊受成封為「英皇一姐」，她尷尬笑說：「唔好再講喇，好尷尬，係嘅時候我會認，但係依家唔係，都係一份工作啫。」羅子溢即整蠱她說：「即係一線演員啦！」她無奈笑說：「唔好整蠱我啦，只係戲份多少少。」

她指自己首次有手術室戲份，不過因太過投入，有幕縫針縫到自己的手，但也要扮鎮定繼續拍攝。子溢笑言與馬國明已演過很多次醫生，劇組開會時，其他演員也好緊張，只有他們2人最淡定。

子溢日前與太太楊茜堯慶祝結婚5周年，又晒恩愛沙灘相，他笑說：「其實沙灘相係舊照，我哋冇出街慶祝，因為BB年紀仲細，驚帶佢出去食飯會喊影響到人，當日只係買咗蛋糕喺屋企過。其實女人唔在乎物質，只係在乎你記不記得日子。」他又自爆現在與太太不設防，希望追多個BB。