ONE PROMISE寫「自傳」 叫大家咪歧視追夢人

2021年10月14日 18:02
東網電視
更多新聞短片
環球樂隊ONE PROMISE推出新歌《平凡人的自傳》,在迷霧中以音樂為大家帶來曙光,支撐着大家邁步向目標進發。縱使在追夢的過程中會承受旁人的冷眼與質疑,但別要因此感到畏懼,自傳應該由自己編寫,譜寫自己精彩的人生,而非複製、貼上別人的足印。
新歌MV於廢墟取景,4子雨中夾Band象徵着樂隊迎難而上,結他手天衡說:「上一首作品《明年見》係一首因鼓手Anton嘅傷勢而寫,事隔一年,我哋希望MV加入夾Band畫面,而Anton就企喺鼓前面,但就冇擊鼓嘅鏡頭,以畫面記錄樂隊曾經有一段時間鼓手受傷。」另外MV還加插拳擊手及書法家的鏡頭,主音文廸解釋:「佢哋代表仍然堅持追夢嘅人,往往喺成名之前都會被人質疑,相信有好多人都嘗過呢個滋味。」天衡補充:「好多長輩會勸你『讀好啲書先啦』,其他事當興趣就好,但點解唔畀我專心做好擅長、喜歡嘅事?」文廸再說:「希望大家明白過後,唔好再歧視追夢中嘅人。」
談到這話題,他們明顯感觸良多,因為他們都聽過「不如腳踏實地搵份工」的勸告,認為夾Band只能當興趣,Bass手Sora說:「每個人都有唔同嘅天賦,但往往因為習慣咗既定嘅生活模式,慢慢連自己嘅長處都被埋沒,呢首歌就係向外界嘅一個宣告,我可以做自己鍾意嘅事,可以打破社會規範嘅框框。」