變身媒人︱徐若瑄列10大條件幫健身教練徵女友

台灣女星徐若瑄經常喺社交網分享生活之日常，今次佢個Post就比較特別，因為佢要做媒人。佢今日（14日）喺社交網發文，為29歲健身教練徵女友，不過佢發文一出，即引起網民熱議，唔少人都認為擇偶條件太嚴苛。

徐若瑄晒出健身教練的靚仔相，並介紹：「介紹一下我的私人教練Joe，29歲單身，身高1米84，水瓶座，徵女友中。」又列出10個擇偶條件：「1.飲食清淡 2.不愛澱粉 3.飲食168（生活步調才可同調）4.理想身高不低於1米68（但可以為愛放下執念）5.開朗活潑熱情陽光笑口常開人品價值觀端正 6.愛運動不貪吃 7.勤勞自律，身不懶 8.上進努力，心不懶 9.孝順，愛毛小孩 10.職業不同行。」徐若瑄仲加上附註：「若真有緣，不介意姊弟戀（但不能差太多）」佢又話：「他是心地善良的健身教練，如果不是他的菜，也可以找他上課，他真的非常棒！」好多網民都話，如果個女仔有齊呢10個條件，佢應該唔係地球人，非常搞笑。