孫儷唔係第一人選!蔡少芬差啲做咗「甄嬛」

20211014
東網電視
更多新聞短片
內地女星孫儷當年於內地劇《後宮甄嬛傳》飾演「甄嬛」一角而爆紅,甄嬛個角色形象同個性層次豐富,由年輕時天真無邪,到後來用盡心計,孫儷憑住精湛嘅演技,將角色演得活靈活現,成功俘虜一眾觀眾嘅心,但導演鄭曉龍透露「選角內幕」時,話佢心目中最理想演甄嬛一角嘅,並唔係孫儷,而喺劇中演皇后娘娘嘅蔡少芬,令到一眾網民都大為震驚!
鄭曉龍認為蔡少芬唔單止有靚樣仲有細膩演技,因此最初係力邀對方演甄嬛一角,但係當時已近40歲嘅蔡少芬,認為自己同甄嬛年輕貌美嘅形象有所唔同,再加上佢嗰陣佗緊B,比較難應付喺劇中大量下跪戲份,令佢審慎評估之後決定放棄演甄嬛,而轉做演外表和藹可親,但係內心歹毒嘅皇后娘娘,反而結果出嚟效果更好,仲成功喺內地爆紅!