唔羨慕羅天宇!胡㻗當劉穎鏇係理想對象?

2021年10月14日 23:04
東網電視
更多新聞短片
藝人胡㻗當年挾住是羅天宇弟弟之名參加「香港先生」選舉,他雖然僅獲得第4名,但仍無阻他加入娛樂圈的決心,最近於劇集《我家無難事》中演飾車婉婉兒子,由於戲份不少,演技大有進步而一心望向打星發展的他,曾赴泰國上了3個月泰拳速成班,操到一身弗爆身形,終在劇集《兄弟》一嘗心願,獲安排晒肌上演打擂台戲份,坦言該次經驗非常珍貴,寄望機會陸續有來。
雖然與哥哥天宇年紀相差7年,但胡㻗透露兩兄弟無所不談,再加上天宇比他早入行,故每當工作上遇到難題,也定必向對方請教:「阿哥好錫我,好多時會同我一齊睇劇本,會教我應該點處理角色,我亦一直以為可以同阿哥喺劇度合作到,可惜咁耐以嚟得一次同場,仲要冇對白嘅。」
談擇偶條件
談到天宇異性緣旺盛,無論舊愛或緋聞女友均是女神級,不過作為弟弟的胡㻗顯然不羨慕,他說:「我依家單身,擇偶條件冇咩要求,最緊要係溝通到,性格要開朗,夾到就OK!(咁緋聞女友劉穎鏇得嗎?)大家都傾得埋,佢好努力拍劇。(之前被人影到夜會,依家會避忌啲?)點都有少少,件事有影響到大家,唔想啲人再講,知佢好努力去工作,唔想白費佢心機,自己都想專注做嘢先!(係你理想對象?)佢係好多人嘅理想對象,佢份人易同人相處,但順其自然啦,依家唔諗住。」
最重戲份一次
近日胡㻗於無綫劇集《我家無難事》演鮑起靜外孫,由於乃入行以來最重戲份一次,再加上與眾前輩們頗多對手戲,故開拍前感壓力,沒料開工不出幾天已進入情緒,他說:「鮑起靜感染力好強,最記得殯儀館場戲,入去望住佢遺體時覺得好唔舒服,一望佢就會喊,另一場係喺醫院嘅,鮑起靜瞓喺床上面,只係用隻手掂我塊面,已經好想喊,真係好多謝佢帶我入戲。」除了親情戲份,胡㻗於劇中亦暗戀王君馨,當中更有場親吻戲:「係幻想戲,我經驗淺有少少緊張,但君馨非常好,每一步都同我傾,令大家正式拍嗰時唔會唔舒服。」
埸地:Da Filippo Trattoria @ Harbour City