妝都未化好行紅地氈　楊冪被爆黑面真相！

內地女星楊冪前日（13日）喺上海出席晚會，以一襲白色幼帶鏤空高衩裙現身，大晒事業線搶盡「峰」頭！有網民發現佢急到未化好妝同未好Set頭，喺「半妝半髮」下就要出場行紅地氈，佢仲好罕有咁全程都黑面，心情唔多好囉！

有網友爆料指楊冪黑面其實係有原因嘅，因為楊冪本來係倒數第2個出場，但喺現場疑因有明星耍大牌故意延遲出場，搞到現場有10分鐘「空場」，場面尷尬，最後頭飾都未戴好嘅楊冪，要被迫提早出場，難怪佢心情咁差啦，而至於係邊個耍大牌，就冇人知道，不過佢又點會嬲成晚！

有網民網晒晚會嘅現場花絮照片時，睇到企喺宋茜後面嘅楊冪，大晒佻皮嘅一面，趁宋茜影相嗰陣，佢企喺宋茜後面，用手勢幫對方喺頭上加上一對「耳朵」，被整蠱嘅宋茜明顯唔知情，仲笑得相當開心添。睇到楊冪仲有心情玩人，啖氣應該落咗㗎啦！