楊洛婷一家四口扮「超人」賀大女生日

藝人楊洛婷（Rabeca）同樂隊Dear Jane主音老公Tim育有一女一仔，一家四口幸福快樂，日前佢哋就開咗個party慶祝因因Tanya 4歲生日，同埋囝囝Tristan嘅百日宴，佢哋一家人仲化身成「超人特攻隊」，個個着晒紅色「超人衫」，好有心思！

早幾日撞正3號風球兼黑雨時，Rabeca湊住細仔去食麵，見但用孭帶孭住細仔，之後「腿張開」擘開雙腳坐，大啖食麵，霸氣十足！之後為咗氹BB連坐都冇得坐，要企起身邊飲嘢邊湊，做媽媽真係唔簡單！一眾圈中媽媽同網友都紛紛界Like，大讚佢犀利，又笑佢「佬過阿Tim」！