錫紙牆出事!炎明熹處女新歌MV疑抄HKT48舊作

20211015
東網電視
更多新聞短片
無綫歌唱節目《聲夢傳奇》三料冠軍炎明熹(Gigi)推出處女單曲《真話的清高》,MV喺音樂平台上架半日,一度成為流行榜冠軍歌,有「炎粉」留言:「已10幾年冇聽過首似樣嘅廣東歌」。Gigi首歌受歡迎,自然多人講,又有網民話佢首MV其中有個錫紙牆嘅場景,有啲似曾相識,場景好啲似5年前,日本女子偶像團體、AKB48旗下嘅HKT48嗰首舊作《Make noise》MV相似,都係站喺錫紙牆前唱歌。
雖然兩個MV有一幕的背景感覺如有雷同,網民意見照舊兩極,有啲就話「咁都要抄人」、「可唔可以有啲創意嘅」,但有啲網民就反駁「咁都話抄!背景有啲似就係抄MV?」、「香港做創作抄野(嘢)大有人在」,總之有彈有讚。
雖然MV鬧出「雙胞胎」疑雲,不過未阻《真》的熱度,加入「勁歌金榜」、「中文歌曲龍虎榜」及「903專業推介」的歌曲流行榜20大,其中網民更指她接受鄭裕玲主持的電台節目後獲「加持」,成就她繼「師兄」胡鴻鈞後,另一位成功打破星夢歌手的「宿命」,可躋身「903專業推介」的歌手。