眾星捧《聲夢》三姝　林子祥同顧嘉煇變大茄？

由《聲夢傳奇》學員擔正嘅新劇《青春本我》，就搵嚟姚焯菲（Chantel）、炎明熹（Gigi）及鍾柔美（Yumi）做生招牌Sell拍劇初體驗，另外仲搵嚟大批藝人客串，包括吳業坤、吳若希飾演老師、JW飾演訓導主任、黎燕珊飾演黃奕斌（Hugo）媽媽等，今次更有傳無綫為力捧一眾新人，請嚟殿堂級歌手林子祥飾演校長一角，而音樂家顧嘉煇就會演出校監兼詹天文（Windy）曾外祖父，頂尖前輩忽變「茄喱啡」，但未知傳聞真實性。而現身在內地拍攝真人騷《我們的歌3》嘅林子祥亦未表示有回港安排。