挑戰道德標準︱ViuTV新節目玩換夫換妻被鬧爆

2021年10月15日 13:01
東網電視
更多新聞短片
ViuTV真人騷節目《賭命夫妻》邀請五對夫妻在玩遊戲贏獎金,最近播出嘅節目中,內容就愈嚟愈重口味,當中就包括牽涉性話題環節、挑戰「換夫」、「換妻」遊戲等,又搵嚟多位男女藝人做「PTGF/PTBF(Part Time Girlfriend/Boyfriend)」,分別同唔同夫妻Dating,不乏與異性有肢體接觸等畫面。當中節目組搵嚟一班口罩小姐李文潔、張若錡等色誘人夫,比堅尼上陣胸壓玩遊戲,而人妻方便亦搵嚟組合ERROR成員肥仔、193、陳安立、黎學勤和黃奕晨等藝人陪玩,當中陳安立更電到人妻暈浪,二人互搽防曬等。
因為節目中多位夫妻與藝人有過多肢體接觸,鏡頭前亦表現曖昧,即被大批網友鬧爆係歪曲道德,就連主持人火火亦多次表示怕「玩得太過火」、「拆散人哋家庭」、「佢沉咗一半船喇」等,雖然未知係咪節目效果,但已經辣㷫部分觀眾大嗌Cheap,有網友亦批評ViuTV唔應該將節目放喺9點半合家歡時段播出。