唔慣見到老公畀女圍 陳凱琳狂讚鄭嘉穎湊仔有一手

2021年10月15日 15:02
東網電視
更多新聞短片
前港姐冠軍陳凱琳與拍檔KOL雪姨(容可兒)為自家化妝棉品牌宣傳,陳凱琳老公鄭嘉穎將有台慶劇《星空下的仁醫》出街,嘉穎宣傳時指做爸爸後耐性比以前更好,她則笑說:「對我嚟講,我覺得嘉穎拍呢套劇,最大嘅得着係識咗一個兒科醫生,有乜事都可以搵佢幫手。佢對小朋友嘅耐性係好咗嘅,自己對住小朋友有時都會炆憎,佢會話大家一齊冷靜吓先。」她又期待老公的新劇出街,兒子會第一次看到爸爸演出,問到兒子可會不習慣見到爸爸與其他女仔一起?她則笑說:「呢樣我唔慣多啲囉。」
陳凱琳讚老公教仔有一手,她笑說:「有時小朋做錯嘢令到我唔開心,佢唔會話即刻做好人氹番小朋友,會畀佢冷靜咗先。我哋唔會一個做好人、一個做壞人,反而會一齊做壞人,唔係做壞人嗰個咪好慘囉。」問到陳凱琳是否有進軍商界?她笑說:「少咗拍劇嘛,惟有向其他地方發展。」她又指因要照顧小朋友暫時也難拍劇:「今朝化妝望住啲小朋友,都同佢哋講,我好快返嚟喇。」