新劇做阿媽　陳欣妍預告35歲先生B：沈震軒等到嘅

藝人陳欣妍出席ViuTV劇集《反起跑線聯盟》開鏡拜神，身穿露腰裝的她表示首次飾演媽媽角色：「我做一個後生、唔小心有咗、唔成熟嘅媽咪，同其他父母嘅教育方法好大反差，因為我係完全冇方法。（做媽咪角色難唔難？）都難，冇諗過我呢個年紀咁快就做媽咪角色，哈哈，都係第一次同小朋友接觸咁長時間，本身都好驚同小朋友同寵物拍嘢，但比我想像中好，佢哋好聰明，我個『女』好叻，因為佢哋細細個就上堂。」

問到可有刺激她想快些做媽咪？她擰頭笑言：「未有呢個打算，因為我工作上十劃未有一撇，我唔想同角色一樣，做唔負責任嘅媽咪，想搞掂自己先。（咁幾時先搞得掂？計劃幾時生？）希望35歲啦。（男友沈震軒等到咁耐？）等到嘅。（有共識？）未有咁快。」她又透露男友還身在內地拍劇：「要12月先返嚟，佢去咗一年，因為佢一直接劇。（異地戀辛苦？）都好彩，因為我Keep住一直有工作，所以都好啲。」