世上最窩心的事！王祖藍被大女質食鬚刨

雖然王祖藍已升呢無綫首席創意官，成為高層忙到爆，不過佢幾忙都好，定必抽時間陪兩個女同老婆李亞男。適逢祖藍留喺屋企，大女Gabby即為爸爸「訂製」貼心服務，就係用小手拎起電動鬚刨幫祖藍剃鬚。起初Gabby都好認真幫爸爸剃，但見愈剃愈好玩，就開始亂嚟，此時祖藍已開始面有難色，擔心被剃損。

不過Gabby見到有人揸機影佢，就同媽咪李亞男一樣對鏡頭咁敏感，企定定畀人影，祖藍見個女唔理佢，就叫Gabby繼續剃，唔知係咪嫌爸爸太煩，Gabby立即質祖藍食鬚刨，笑破唔少網民肚皮呀，有網民就留言話呢個畫面好溫馨，因為有囡囡幫佢剃鬚，係世上最窩心嘅事！