細女獲讚靚女似龔嘉欣!劉小慧:佢冇乜興趣入行

20211015
東網電視
更多新聞短片
藝人蘇志威與太太劉小慧,帶同愛犬Scooby和愛貓豹豹拍攝寵物產品廣告。小慧近年轉型做KOL,不時在網上推介好用產品給大家,她坦言之前拍廣告不會太顧及產品效果,但現時接廣告一定要先試用,覺得好用才會推介給大家。今次是他們首次與寵物拍廣告,笑言不擔心寵物百厭,但小慧就大爆Scooby和豹豹不時為爭寵打交:「自從養咗Scooby之後,豹豹一見到爸爸(蘇志威)同Scooby玩就唔鍾意,仲試過呷醋發脾氣,喺床上屙屎。」蘇志威即笑言現時會陪多些豹豹。小慧又笑言自己不會對此呷醋,而兩女亦不會因父母錫寵物而呷醋,因自小都與寵物一起長大。
講到細女之前與他們一起上無綫節目《思家大戰》,被網民大讚靚女似龔嘉欣,小慧即謙稱:「佢好在意外表,因為依家仲箍緊牙。(會唔會畀佢入行?)冇阻止,但佢冇乜興趣,佢鍾意服裝設計多啲。」她謂大女對入行更冇興趣,因性格內歛,又表示現正在日本學整甜品的大女,將於明年3、4月畢業返港:「都成年半冇見佢。(佢返到嚟會創業?)唔係,佢想去唔同餅店做嘢吸收經驗先,同做生意始終係兩回事。」