Anson Kong生日願望想買樓 Lokman想開Studio畀人表演

2021年10月16日 14:03
東網電視
更多新聞短片
人氣組合MIRROR成員江𤒹生(Anson Kong)及楊樂文(Lokman)今日現身品牌活動,吸引數百粉絲撐場,今日適逢AK的29歲正日生日,獲粉絲送上蛋糕及全場大合唱生日歌為他慶生。
AK表示生日會在工作中度過,再回家吃飯,問到生日願望?他說:「大家身體健康,呢個好重要,因為近2年受咗好多傷,希望手指快啲好番。(會唔會想買樓?)呢個係每個香港人嘅願望,希望努力達到。」他的粉絲在多區設有其生日應援打卡位,他稱前一天晚上到了位於旺角的商場打卡:「我等個商場閂咗門先去,見到入面個展覽好靚,我嚟緊有工作在身,所以未必可以去晒咁多個地方打卡,但我拍咗片多謝粉絲。」
講到工作,Lokman透露其主演的劇集《IT狗》將下月在香港亞洲電影節首播2集,到明年才正式播映,他與AK將於下年拍攝一套新劇,以青春活動為主題,問到會否跟他擅長的跳舞有關?他笑言:「今次未必,可能再遲啲,我同公司反映吓。」
另外,AK推出的自家服裝品牌今日正式發售,他稱這是今年想做的其中一件事:「個牌子係我同朋友合作,品牌同我同一日出世,咁就好易記。(係咪賣得好好?)我未睇數據,收到好多人支持。(你哋好多成員都有出時裝,大家爭生意?)唔會,我哋出嘅產品有啲唔同,而且大家可以合作。(仲想搞咩生意?)冇乜,因為我已經有個跳舞學校。」Lokman就想開一間Studio可以讓人演出及跳舞。