佟麗婭疑唔着底褲出活動　神奇高衩睇到網友眼凸

獲稱「新疆四美」之一嘅內地藝人佟麗婭，自今年「520」宣布同導演陳思誠離婚，佢就一直投入工作狀態，雖然最近有傳佢已有型男新歡，不過都只聞樓梯響。唔知係咪太Enjoy單身世界，佟麗婭尋日（15日）出席公開活動時，竟然着上一條側身全通窿嘅火辣開高衩貼身禮服現身，通窿位由腋下開到大腿，真係睇到男士噴晒鼻血！佢衣着尺度比離婚前火辣10倍，今次呢條裙更加引起網友興趣，大家都好關心條裙嘅設計好難打底，質疑麗婭唔着底褲見人！