養子心律唔正常要入院　張慧儀：佢個病冇得醫！

藝人張慧儀與養子張晃維（Hanson）現身慈善活動，她透露患有先天性心臟病的Hanson，將於10月18日入院作檢查，她説：「因為最近驗到佢肝酵素有啲高，心律跳動有少少唔正常，個病雖然冇得根治，但起碼解決血缺氧問題。」

她指養子快將18歲，嘆時間過得太快：「真係眨吓眼，都唔知點樣就湊大咗佢。（好感觸？）都會㗎，好矛盾，又想佢快啲大、快啲獨立，不過又捨得佢大得咁快，但佢細我又辛苦，依家就輕鬆好多啦，起碼自己返學、放學，識做基本家務，仲幫我攞定啲落妝嘢等我放工返嚟用，不過依家又擔心佢性格單純易畀人呃。（拍拖未？）佢仲細我唔鼓勵住，唔好搞啲咁嘅嘢，我唔想咁快抱孫，哈哈！」