鍾晴分享Keep Fit心得　麥皮香蕉做早餐

藝人鍾晴（Karlie）身材弗到漏，不時在社交網上載運動照及泳照，由昔日的微胖女生變成健身達人，她說：「我最肥應該係120磅左右，後來減到110磅，其實減肥唔係睇數字，因為肌肉係重過脂肪。」

作為藝人飲食不定時，Karlie主要靠控制飲食及做運動來保持身形：「如果有特別工作要上鏡，我就會早上食麥皮加香蕉，午餐乜都會食，但盡量唔好食咁肥膩，晚餐就戒澱粉質，9點後唔再進食，每日起碼飲3公升水加快新陳代謝。一星期會做3次重力訓練同埋有氧運動，例如跑步同踏步機，瞓覺都好緊要，因為休息嘅時候可以幫身體排毒，減少水腫。如果平時冇特別工作，食嘢方面唔會特別戒口，但我一定會做運動。」