胡諾言翻撻王敏奕失敗 網民戥唔抵!

20211017
東網電視
更多新聞短片
藝人胡諾言(胡仔)於無綫劇集《把關者們》演專業醫生,劇情交代他本來與前度王敏奕翻撻成功,並已求婚,惟女方當刻才發現心入面最愛卻是袁偉豪,令戀情告終!日前播出該段戲份時,不少網友也戥胡仔唔抵,紛紛到其社交網留言,他接受東網訪問時笑說:「由《大步走》開始都係演好人,但角色嘅對象到最後都係唔愛我,啲朋友同網友都話我好慘,希望之後嘅角色可以追女成功啦!同埋今次有少少可惜係,演醫生嘅我,交代場口得一場,其實我一直都想演專業人士,見到最近劇集《星空下的仁醫》宣傳片都流晒口水,下次公司開呢啲劇種,我第一時間自薦。」
談到與敏奕首次合作,胡仔大讚對方聰明,雖然雙方於不熟落情況下拍談情戲,幸而最終也能於短時間內衍生默契,出來效果也很滿意,寄望下次能再有機會於劇集聚頭。