再惹假唱疑雲！范丞丞「壁咚」李一桐閃爆網民

內地女星范冰冰細佬范丞丞參加選秀入行，話咁快佢依家已經升呢做男一，人氣急升！早前曾捲「假唱」風波嘅佢，近日亮相內地節目，孖李一桐合唱，再惹假唱疑雲，即惹嚟一眾網民熱議！有網民就話指佢哋口型同歌聲完全跟唔上，感到好疑惑說：「唔係話唔畀假唱咩？」而有范丞丞同李一桐嘅粉絲，表示首歌係佢哋提前錄好嘅，所以並唔算係假唱喎！

不過其實就算係唔係假唱都好，范丞丞同李一桐呢次嘅演出，亦獲得唔少網民好評，因為范丞丞喺演出嗰陣，同李一桐玩凌空壁咚，仲一齊手拖手合體送心心，佢哋甜蜜嘅互動，亦都足以閃爆網民！