王子涵玩空中旋轉舞　海旁做「柱女」

藝人王子涵日前出席宣傳活動，透露忙於拍攝處境劇《愛．回家之開心速遞》之餘，還抽空學習跳舞增值自己，她說：「以前有跳開Jazz Funk、Hip Hop，依家都有重溫番，我亦走咗去學空中旋轉舞，原理似瑜伽，但喺空中加入舞蹈，真係轉住咁玩，所以除咗力度同平衡之外，仲有好多嘢加埋要兼顧，暫時學咗3堂，老師讚我有天分，我就當對自己新嘅挑戰，有別於以往只局限喺地面跳，希望對第時拍戲可以用得着。」所謂有靜自然都有動，子涵笑指早前為節目《姊妹淘》拍外景，湊巧東京奧運加入該項目，故也有跟嘉賓教練到海旁的燈柱試玩，沒料一試上癮：「當日我只係學行，有興趣繼續玩，都知道呢項運動好易仆到受傷，但我相信會愈仆愈好，要仆得甘甘地先至成功，我都預咗，所以冇問題。」