唔怕女友呷醋 劉俊謙自認大愛:I love everybody!

2021年10月17日 16:05
東網電視
更多新聞短片
藝人劉俊謙今日(17日)以形象大使身份,盛裝現身沙田馬場出席2021東方表行60周年沙田錦標「時尚煲呔賽馬日」,席間獲東方表行董事總經理楊衍傑及太太送贈名錶紀念品。
受訪時講到他獲贈名錶,他直言好開心及榮幸:「平時都係收T-Shirt,好少收咁名貴嘅禮物,表示年紀夠大,啱啱過33歲生日成熟啲、Man啲!(有冇收藏開錶?)冇,所以呢隻會係我第一隻收藏嘅錶。」再自幽一默笑說對物質追求少,平時收藏開耐性、溫柔、愛心及魅力:「喺適當嘅時候再攞出嚟畀大家。(呢啲『收藏品』唔係女友蔡思韵獨有?唔怕佢呷醋?)我好大愛,I love everybody!佢亦好大方,唔會呷醋。(對異性都係咁會引嚟誤會喎?)咁異性我會識得避忌。」
問到平時可有小賭怡情?劉俊謙表示沒有,但自言同馬很有緣分,甚至有情意結:「中學係讀賽馬會屬下嘅學校,有個同學喺讀中五嘅時候去做見習騎師,依家應該退咗役,見佢當時操得好辛苦,要有好大毅力,所以覺得佢好勁,自己會視策騎為運動項目去欣賞。」他續指小時曾跟父母學策騎,現時有計劃再學,他說:「覺得拍劇一定用得着。(會唔會同女友一齊浪漫策騎?)要飛起佢,哈哈!策騎期間要同馬溝通建立默契,一齊嘅話只會掛住同佢溝通。」
另外,湯鎮業的孖仔湯君慈(Bruce)與湯君耀(Chris)今日擔任模特兒,他們笑言兩人樣貌已經十分相似,所以要在衣着打扮上有分別,Bruce說:「細個時,屋企人好鍾意將我哋着到一模一樣,大個就好反感。我鍾意着得斯文啲,細佬就着得年輕不羈啲。」
至於在擇偶方面是否口味一樣?Bruce稱自己喜歡有性格的女生,問他是否有「被虐」傾向?他說:「未至於咁極端。(覺得可以駕馭呢種女生好有成功感?)都可以咁講。」Chris指自己沒有特定喜歡女生的類型,主要憑感覺,相處舒服就可以。Bruce透露有上堂學唱歌,但否認做歌手,他說:「識唱歌會加分,好多演員都會學唱歌,因為學到用聲。我好想學埋跳舞,但我手腳唔協調,依家專注唱歌先。」