拍劇終於「有衫着」!朱敏瀚自爆暗戀過Miss

20211017
東網電視
更多新聞短片
藝人朱敏瀚於無綫新劇《青春本我》內,扮演在劍橋大學畢業、但教中文的混血兒老師,經常吸引女同學關注甚至暗戀,造型打扮相當斯文,之前常在劇中要半裸的他,被取笑終於「有衫着」,他說:「係呀,呢兩、三年嚟第一套終於唔使除衫嘅劇,天氣開始凍嘞,着多啲衫好。」對於參演的兩套台慶劇《換命真相》及《拳王》都需要晒Body,他笑言:「拍《拳》劇一年前我已經開始準備,《換》劇就正正喺《拳》劇之前,所以好Ready,兩套劇嘅體形有分別,希望畀觀眾唔同嘅感覺。」
當問到求學時有否受到關注,他說:「初中時大家會覺得我個樣比較特別,因為我太婆係英國人,所以會有啲同學仔鍾意望吓我,好似動物園咁,不過佢哋冇惡意嘅。(有冇暗戀過老師?)小一時同個女老師好Friend,後來我有出席佢嘅婚禮,感覺好似畀人攞走咗個姐姐咁。」
張潔蓮完全凍齡
至於他當年於《閃電傳真機》獲選「最英俊王子大獎」,他說:「當時媽咪喺商場發現呢個活動,覺得啲王子衫、公主衫好靚,就帶我去參加比賽。比賽後多咗人留意,有模特兒公司搵我拍教育電視同廣告,所以呢個比賽算係我入行嘅踏腳石。」他又指重遇當年節目主持「Jackeline姐姐」張潔蓮,覺得對方完全凍齡,與24年前沒有改變,打趣指自己反而成熟了很多。