孫慧雪合資7位數進軍食材界 再計劃開分店!

20211017
東網電視
更多新聞短片
藝人孫慧雪(雪雪)大計多多,繼早前跟拍檔合資搞朱古力生意,今次就進軍食材界,與幾位拍檔包括《都市閒情》大隻廚師湛錦鈿(Oreo)等,5人合資達7位數開店。新店今日(17日)開張,多位圈中好友包括蔡思貝、賴慰玲、楊潮凱等到場支持,問雪雪為何會看中食材市場,她説:「自己本身鍾意食嘢,Oreo又係廚師,本身都有合作拍片教煮嘢食,所以就諗不如一齊賣食材,再教埋點煮,加上佢係廚師會攞到靚嘅貨。(你負責做乜?)我做宣傳推廣,請吓朋友食靚嘢等佢哋打吓卡。」
雪雪指會與拍檔研究開分店、食品工場及餐廳,會拉埋老公為餐廳畀意見,她説:「以前試過賣衫,但一個人做,一腳踢冇晒時間,依家有咗小朋友,要搵有用嘅人才拍檔一齊做先得。(咁多生意打算唔做幕前?)諗住轉型做女強人,邊度有錢搵就去邊度,哈哈!講吓笑啫,有咗小朋友多咗好多嘢擔心,樣樣都係錢,所以要為咗佢努力啲。」