毛舜筠又「添丁」 收埋Edan做仔!

2021年10月17日 23:01
東網電視
更多新聞短片
男團MIRROR人氣衝天,全面攻陷歌影視及廣告,明年7月更殺入紅館開10場演唱會。當一眾「鏡粉」日曬雨淋瘋狂捕獲「鏡仔」行蹤時,女星毛舜筠郁都唔使郁,「鏡仔」自動埋身!繼早前跟姜濤及柳應廷(Jer)合演英皇新片,並和Jer飾演母子後,在另一部新片《陽》(暫名)中,毛姐又做「鏡母」,飾演Anson Lo盧瀚霆的媽媽。
左擁Anson Lo,右擁Jer,仲要有埋姜濤都未夠,另一位成員呂爵安(Edan)又成為「毛仔」系列之一員。今日(17日)毛姐網晒和Edan的合照宣布又「添丁」:「我又多個仔喇!大家唔使太羨慕我!」而Edan更大賣口乖,公開叫毛姐做「媽咪」之餘,更加咗幾個心心符號,不過未知他們是否在新戲中都是飾演母子。毛姐有三個「鏡仔」Anson Lo、Edan及Jer做「毛仔」,當然令引起網民騷動,大呼毛姐冇得輸!
另外,Edan本月初推出的MV《My Apple Pie》,直至今晚晚上九時,官方平台錄得的觀看次數已衝破200萬,認真犀利!