容祖兒開Filter瀡滑梯　晒童真順便晒埋小背心！

天后容祖兒活躍於社交網，成日同大家分享生活點滴，最近佢迷上玩Filter，網友仲封佢為「Filter天后」添！尋日（17日）祖兒又嚟，估唔到佢連玩瀡滑梯都玩Filter，見佢今次用鼻涕妹filter，一路玩滑梯，兩排鼻涕就跟住佢揈揈吓，真係好可愛，天后大晒童真！

除咗晒童真一面，祖兒都有晒性感一面，佢瀡滑梯時仲露出佢件小背心，盡騷佢Fit爆body，非常誘人呢！玩餐飽之後，祖兒再晒出直豎拇指自拍照，留言：「今日電量100％」睇嚟佢好滿足今次嘅行程！