「阿姨」徐蒨寧晒火辣水着　因為畀「姨先生」激親？

身為ViuTV「最後一屆口罩小姐」亞軍的「阿姨」徐蒨寧，雖然曾被網民狂批她發明星夢，身為人妻兼人母的她不理家庭，未幾即獲老公公開護妻力撐。雖然飽受批評，但阿姨一副「話之你」的態度，並常在社交網分享索照。日前趁着天氣好，阿姨玩遊船河，當然不忘水着上陣，更以火辣水着派街坊。

網晒多張三點式泳裝照的阿姨，甫士多多，又坐又跪，而且身材惹火，完全不似已是人母，她留言：「呢個天氣，出海真係一流，有陽光，有風，唔多雲，可以影靚相。」當不少網友狂呼「血已噴」時，有網友反問：「係咪阿叔做錯咗啲嘢，去到咁盡？」質疑是否阿姨因老公「姨先生」做錯事，所以嬲到剝衫網晒水着來示威。未幾「姨先生」即留言：「放心，相係愛嚟影㗎！」盡顯大方，認為影索照是十分平常，更不介意和大家分享太太的索照，而阿姨則說：「就係知道轉涼，再唔影，啲泳衣又擺一年。」