《姊妹淘》Re-U！吳若希孖蔡嘉欣玩閨蜜裝

無綫J2長壽節目《姊妹淘》播足10年共4輯過千集，惟早前突被腰斬終告一段落，一眾主持亦各散東西，雖然佢哋曾傳出不和多時，但其實私底下非常友好，近日更相約一班台前幕後，齊齊到主題樂園遊玩兼Re-U！

蔡嘉欣於社交網上載大合照，見莊思敏、王子涵都有現身，而準新娘陳詩欣更帶埋未婚夫同行，吳若希（Jinny）則一家三口出席，場面熱鬧，一班靚女仲藍白姊妹裝上陣，認真襯到絕。蔡嘉欣留言表示期待下一次再聚：「好齊人呀，下次咁齊人係咪陳詩欣婚禮啦？」